DET er no dinæst at me skal halda uppe alle dei kyrkjor og kristendomspåbod som Olav den heilage og Grimkjell biskop fastsette på Mostratinget (1) og alle dei kyrkjor som sidan vart (2) bygde.

15 KAP. 15. UM KYRKJETILSYN.

NO er det dinæst at biskopen vår skal råda for kyrkjone, so som Olav den heilage lova Grimkjell biskop på Mostratinget og so som me sidan vart samde um det. Biskopen vår skal no setja prestar til alle kyrkjor, og det slike som han veit kann gjera gudstenesta rett for folk.

17 KAP. 17. UM MESSEDAGAR.

NO er det dei dagane som Olav den heilage og Grimkjell biskop fastsette på Mostratinget og baud faste og nonhelg fyre, dei skal haldast heilage sameleis som sundagane. 2. No er Jonsmesse (3) den fyrste, men Petersmesse (4) den andre, tridje Seljumannamesse (5), fjorde Jakobsmesse (6), femte den fyrste Olavsmessa (7), sekste Laurentiusmesse (8), sjuande den fyrste Mariamessa (9), åttande Bartolomeusmesse (10), niande Mateusmesse (11), tiande Mikjelsmesse (12), ellevte To-Apostelmesse (13), tolvte Alle Heilagmenns messe (14), trettande Andreasmesse (15), fjortande Tomasmesse (16). 3. No er dei dagane upptalde som det skal vera faste og nonhelg fyre og som det skal bøtast for som for sundagsarbeid, um nokon arbeider då.
 
 
 

Noter:
1. Riksmøtet på Moster 1024.
2. Olavsteksti i C har: er.
3. 24. juni.
4. 29. juni.
5. 8. juli.
6. 25.juli.
7. 29. juli, Olavsmessa vart sjølvsagt ikkje fastsett på Mostratinget.
8. 10. august.
9. 15. august.
10. 24. august.
11. 21. september.
12. 29. september.
13.(Simon og Judas) 28. oktober.
14. 1. november.
15. 30. november.
16. 21. desember. I Sv 42 er berre upprekna 13 dager, det er Mikjelsmess som ikkje er med; um den heiter det so: Men endå det ikkje er nonhelg eller faste fyre Mikjelsmessa, skal det likevel vera same bot for å arbeida på den dagen som på sundag.
 

Gulatingslovi, Norrøne bokverk 33, oversatt: K. Robberstad, Samlaget, Oslo 1937, s. 25, 28-30.